កំពង់ចាម៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បង្ហើបថាមន្ត្រីជាន់ខ្ពស់របស់គណបក្សភ្លើងទៀនលោក ថាច់ សេដ្ឋា បានទៅជួបបេក្ខភាពអនាគតនាយករដ្ឋមន្ត្រីរបស់គណបក្សប្រជាជនកម្ពុជា លោក ហ៊ុន ម៉ាណែត កាលពីប៉ុន្មានថ្ងៃមុន ខណៈសម្ដេចតេជោមិនបានជម្រាបលំអិតនោះទេ។
ថ្លែងក្នុងពិធីបើកការដ្ឋានពង្រីក និងលើកគុណភាពកំណាត់ផ្លូវជាតិលេខ៧ ពីរង្វង់មូលស្គន់ ដល់រង្វង់មូលស្ពានគីហ្សូណា នៅខេត្តកំពង់ចាម ព្រឹកថ្ងៃទី៩ ខែមករា ឆ្នាំ២០២៣ សម្ដេចតេជោ ហ៊ុន សែន គ្រាន់តែបញ្ជាក់ថា លោក ថាច់ សេដ្ឋា បាននិយាយពីរឿងចាប់ខ្លួនសមាជិកបក្សខ្លួនទៅលោក ហ៊ុន ម៉ាណែត ខណៈលោក ហ៊ុន ម៉ាណែត បានឆ្លើយតបវិញថាបើមិនចង់ឱ្យចាប់ខ្លួនលុះត្រាតែសមាជិកបក្សលោក ថាច់ សេដ្ឋា កុំធ្វើខុសច្បាប់គឺបានហើយ។
សម្ដេចតេជោ មិនបានបញ្ជាក់លំអិតថាភាគីទាំងពីរបានពិភាក្សាលើរឿងអ្វីខ្លះបន្ថែមនោះទេ៕
ព័ត៌មានជាច្រើនទៀតសម្រាប់អ្នក
